Ora 19:30/ Policia ka njoftuar për arrestimin e Emiliano Shullazit, një personi me precedent penalë dhe të dënuar madje por i liruar nga burgu vetëm pak kohë më parë.
Po sipas policisë, Shullazi ka qenë i shoqëruar nga disa persona të tjerë në një makinë të blinduar në zonën e Liqenit të Thatë, në Sauk. Ndërsa brenda automjetit të blinduar janë gjendur armë, thika dhe lëndë narkotike, të cilat bashkë me një automjet tjetër jane vendosur nën sekuestro. I njëjti person, i denoncuar nga Partia Socialiste për prishjen e një aktiviteti elektoral në njësinë bashkiake numër 7, u arrestua nga policia por mesa duket ka rifituar sërish lirinë, për arsye që nuk janë bërë publike nga ana e uniformave blu. Shullazi jeton në të njëjtin pallat me kandidatin socialist për këtë njësi, Erion Koka, të cilit disa ditë më parë iu vendos një sasi tritoli në derën e banesës.
Gazeta zeri i popullit
Posted by fatmir
on 00:21.
Filed under
box,
gazetazeriipopullit,
kronike,
lajmifundit
.
You can follow any responses to this entry through the RSS 2.0